В.И.Вернадский исемендәге Бөтенроссия яшүсмер укучыларның тикшеренү эшләре конкурсының төбәк этабы туры тәмамлану турында
22 Февраля 2023
Татарстан Республикасы Фәннәр Академиясенең квалификация күтәрү үзәге һәм Татарстан Республикасы Мәгариф һәм фән министрлыгы ярдәме белән «Тикшеренүче» төбәкара иҗади педагоглар иҗтимагый хәрәкәтенең Татарстан Республикасы бүлеге «Тикшеренүче» – 8-11 сыйныфлар арасында В.И.Вернадский исемендәге Бөтенроссия яшүсмер укучыларның тикшеренү эшләре конкурсының I нче (читтән торып) төбәк этабы туры тәмамлануы турында хәбәр итә.
Конкурста Татарстан Республикасы белем бирү оешмаларының 8-11 сыйныф укучылары (шәхси тикшеренүчеләр, авторлык коллективлары) катнашты. Эшләр гомуми белем бирү мәктәпләре, лицейлар, гимназияләр, балаларга өстәмә белем бирү учреждениеләре, башка оешмалар, шулай ук шәхсән авторлар тарафыннан тәкъдим ителде.
Конкурсның II нче туры – төп тур, 2023 елның 27 февралендә 13.00 сәгатьтә ZOOM платформасында дистанцион форматта үткәреләчәк (катнашучыларның үтенече буенча 25.02.2023 көненнән күчерелә).
Экспертлар советы 2023 елның 24 февралендә конкурсның I нче (читтән торып) турына йомгак ясаячак һәм оештыру комитеты тарафыннан катнашучыларның II нче турына кертелгән исемлек ТР Фәннәр академиясенең рәсми сайтында урнаштырылачак, шулай ук гаризада күрсәтелгән электрон адресларга җибәреләчәк.
Игътибар итегез! Секцияләрнең исемнәре (тематикасы) һәм составы оештыру комитеты тарафыннан көндезге турга кертелгән тикшеренү эшләре саныннан чыгып билгеләнә. Конкурсның көндезге туры барышында докладларны бәяләү түбәндәге критерийлар нигезендә башкарыла:
1. Доклад һәм сорауларга җавап бирү барышында тикшеренү предметы материалын (төп төшенчәләр, аларның бәйләнешләрен) белү;
2. кулланылган тикшеренү методларын аңлау;
3. эшне башкару мөстәкыйльлеге;
4. халык алдында чыгыш ясау культурасы – докладның ышандыручанлыгы, төгәллеге, аудитория игътибарын җәлеп итә белү осталыгы;
5. проблемага карата үз карашыңны белдерү, шәхси күзаллау;
6. материалларны күрсәтә белү, презентациянең анык һәм төгәл булуы.
Конкурста катнашудан уңай эмоцияләр һәм уңышлар, нәтиҗәле эшчәнлек телибез!