«Әмирхан Еники һәм татар әдәбияты яңарышы»
26.03.2024
2024 елның 27 мартында Казан шәһәрендә Татарстан Республикасының халык язучысы, Г. Тукай исем. Дәүләт премиясе лауреаты Әмирхан Еникинең (1909-2000) тууына 115 ел тулуга багышланган «Әмирхан Еники һәм татар әдәбияты яңарышы» дип аталган түгәрәк өстәл утырышы була.
Чараның төп оештыручысы – Татарстан Республикасы Фәннәр академиясе Г. Ибраһимов исем. Тел, әдәбият һәм сәнгать институты.
Фикер алышуга түбәндәге сораулар чыгарыла:
– чорның тарихи-иҗтимагый һәм мәдәни мохите контекстында Ә. Еникинең шәхесе һәм иҗаты;
– Ә. Еники – ХХ гасыр татар совет әдәбиятын үзгәртүче;
– татар әдәбиятын һәм сәнгатен үстерүдә Ә. Еникинең роле һәм аның традицияләре;
– Ә. Еники иҗаты – киләчәккә аталган мирас;
– Ә. Еники иҗатын өйрәнүнең торышы һәм бурычлар.
Әлеге чарада Татарстан Республикасы Фәннәр академиясе, Татарстан Республикасы Язучылар берлеге, фәнни һәм белем бирү оешмалары, вакытлы матбугат вәкилләре катнашуы көтелә.
Үткәрү урыны: Татарстан Республикасы Фәннәр академиясенең Г. Ибраһимов исемендәге Тел, әдәбият һәм сәнгать институты (Казан ш., К. Маркс ур., 12).
Элемтә өчен: Закирҗанов Әлфәт Мәгъсүмҗан улы, +79061100730; e-mail: alfat_zak@mail.ru.