«Хәзерге Россиянең демографик сәясәте» Бөтенроссия конференциясе
27 Апреля 2023
2023 елның 25 апрелендә Мәскәүдә «Хәзерге Россиянең демографик сәясәте: фаразларга каршы ничек үсешкә ирешергә» дигән беренче бөтенроссия конференциясе узды. Оештыручылар – Россия Федерациясе Президенты Администрациясе һәм Д.И.Менделеев исемендәге Демографик сәясәт институты.
Конференциядә катнашучыларга сәламләү сүзләре белән Россия Федерациясе Президенты В.В.Путин һәм Россия Федерациясе Федераль Җыены Федерация Советы Рәисе В.И.Матвиенко мөрәҗәгать итте. Пленар утырышта Россия Федерациясе Президентының Үзәк федераль округындагы Тулы вәкаләтле вәкиле И.О.Щеголев, Россия Федерациясе Федераль Собраниесе Федерация Советы Рәисе урынбасары Н.А.Журавлев, Россия Федерациясе Федераль Собраниесе Дәүләт Думасы Рәисе урынбасары А.О.Котяков, Россия Федерациясе Федераль Собраниесе Дәүләт Думасының Гаилә, хатын-кызлар һәм балалар мәсьәләләре комитеты рәисенең беренче урынбасары Т.В.Буцкая, Липецк өлкәсе губернаторы И.Г.Артамонов, РФ Иҗтимагый палатасы секретаре урынбасары А.С.Галушка, Россия Федерациясе сенаторы, өч тапкыр Олимпия уеннары җиңүчесе, Россия Герое А.А.Карелин, Югары икътисад мәктәбе- милли тикшерү институты ректоры Н.Ю.Анисимов һ.б. катнашты.
Конференциянең максаты – Россия демографик сәясәтенең предметын билгеләү, бурычлары – дәүләт ярдәмен ярлылык һәм үлем белән көрәшкә түгел, ә тууга юнәлтү; күп балалы гаиләләрне уңай дискриминацияләү; бизнесны милли үсеш максатларына ирешүгә җәлеп итү; демографик сәясәт мәсьәләләре буенча экспертлар берләшмәсен формалаштыру; дәүләт карарларының барлык өлкәләрдә демографик йогынтысын бәяләү механизмнары.