Өстәмә һөнәри белем бирү оешмалары җитәкчеләренең республика киңәшмәсе
16 Июня 2023
Бүген, 16 июньдә, Казан федераль университетының Филология һәм мәдәниятара багланышлар институты базасында мәгариф һәм фән министры И.Г. Һадиуллин катнашында Республика киңәшмәсе узды.
Киңәшмә «Педагог һәм остаз елында педагогик хезмәткәрләрнең ачыкланган кыенлыкларын бетерү буенча өстәмә һөнәри белем бирү оешмаларының эш системасы» темасына багышланган иде.
Чарада өстәмә һөнәри белем бирү оешмалары вәкилләре, шул исәптән Татарстан Республикасы Фәннәр Академиясенең Квалификация күтәрү үзәге хезмәткәрләре катнашты (җитәкче Салихова Л.Ф., әйдәп баручы белгеч Хәмәтгалиева Ә.М.).
Чарада өстәмә һөнәри педагогик белем бирүне үстерү, республикада өстәмә һөнәри педагогик белем бирү программаларын гамәлгә ашыручы оешмаларның алдынгы тәҗрибәсен тарату буенча үзара хезмәттәшлек мәсьәләләре каралды.:
- Җитәкче мәктәбе: эффектив идарә итү практикасы;
- Яңа буын мәсьәләләре: табигый-математик белем бирүнең практик юнәлешлелеге;
- Филология белгечлеге буенча укытучыларның квалификациясен күтәрү системасында инновацияләр;
- НГПУ фәнни тикшеренүләрен мәктәптә белем бирү процессына кертеп җибәрү һ. б.
Шулай ук 2023 елның II яртыеллыгына өстәмә һөнәри белем бирү өлкәсендә эшчәнлекнең төп юнәлешләре билгеләнде.
Чара ахырында өстәмә һөнәри белем бирү оешмалары хезмәткәрләренә Татарстан Республикасы Мәгариф һәм фән министрлыгының ведомство бүләкләрен тапшыру тантанасы узды.