"2023 елда язгы кыр эшләренә әзерлек үзенчәлекләре" темасына түгәрәк өстәл утырышы
30 Марта 2023
29 март көнне Татарстан Республикасы Фәннәр академиясенең Гамәли эзләнүләр институты Органик авыл хуҗалыгы һәм экологик чиста продукция үзәгендә онлайн һәм офлайн форматта "2023 елда язгы кыр эшләренә әзерлек үзенчәлекләре" темасына түгәрәк өстәл узды. Чарада ТР авыл хуҗалыгы һәм азык-төлек министрлыгы вәкилләре, Татарстан авыл хуҗалыгы фәнни-тикшеренү институты хезмәткәрләре, Казан федераль университеты, Казан дәүләт аграр университеты, Казан дәүләт ветеринария академиясе студентлары һәм республика фермерлары катнашты.
Киңәшмәне ТР Фәннәр академиясе вице-президенты Хоменко Вадим Васильевич ачты, ул түгәрәк өстәлдә тәкъдим ителгән докладларның мөһимлеген һәм актуальлеген билгеләп үтте. Алар арасында КФУ профессоры Переведенцев Юрий Петровичның 2023 елның язгы чорына һава торышы - климат шартлары турында чыгышы, ТР Фәннәр академиясе президенты киңәшчесе Таһиров Марсель Шәрипҗан улының Органик чәчү орлык фондын әзерләү технологиясе турында; «Биопрепаратлар «Фәнни-җитештерү институты» ҖЧҖ директоры Ибатуллина Римма Петровнаның экологик чиста продукцияне үстерү өчен биопрепаратларның төп роле турында; профессор Мәҗитов Нәҗип Каюм улының туфракны дым белән тәэмин итү технологиясе турында; Татарстанның Фермерлар, крестьян хуҗалыклары һәм авыл хуҗалыгы кулланучылар кооперативлары ассоциациясе рәисенең Татарстан Республикасында фермер авыл хуҗалыгының уңышын тәэмин итүнең яңа таләпләре турында чыгышлар булды. Чыгыш ясаучылар тәкъдим иткән материал катнашучыларда түгәрәк өстәлнең актуаль мәсьәләләре буенча зур кызыксыну һәм фәнни дискуссия уятты.
Утырыш ахырында модератор В.В.Хоменко 2030 елга кадәр Татарстан Республикасында органик авыл хуҗалыгын үстерү дәүләт программасын эшләү буенча эшче төркемнәр булдыру турында сөйләде.