Татарстан Республикасы Фәннәр академиясе президенты Башкортстан Республикасы Башлыгы белән очрашты
26 Июля 2023
Бүген, 26 июль көнне, Республика Йортында Башкортстан Республикасы башлыгы Радий Хәбиров ТР Фәннәр академиясе президенты Рифкать Миңнеханов белән очрашты. ТР ФА президенты Р.Н. Миңнеханов Уфага Шәһәрләрне үстерү һәм үзгәртү буенча IV Халыкара форумда катнашу өчен килде.
Очрашуда фәнни-мәгариф өлкәсендә хезмәттәшлекне ныгыту, шулай ук инновацион проектларны бергәләп тормышка ашыру мәсьәләләре турында фикер алыштылар.
- Татарстан - безгә тугандаш төбәк. Безнең республикаларның фәннәр академияләре бер-берсе белән тыгыз хезмәттәшлек итә. Бездә охшаш тикшеренү һәм үсеш юнәлешләре, уртак эшчәнлекне үстерүнең зур потенциалы бар. Шуңа күрә бүгенге очрашу, һичшиксез, безнең алга таба интеграциягә ярдәм итәчәк, – дип ассызыклады Радий Хәбиров. - Узган атнада Россия Хөкүмәте дөнья дәрәҗәсендәге фәнни-белем бирү үзәкләренең (НОЦ) Россия рейтингын тәкъдим итте. Безнең НОЦ лидерлар арасында. Бу өлкәдә тәҗрибә уртаклашу безнең республикалар өчен файдалы булачак.
Татарстан Республикасы Фәннәр академиясе президенты шулай ук төбәкара хезмәттәшлекнең югары дәрәҗәдә булуын билгеләп үтте.
- Безнең фәнни даирәләр, предприятиеләр һәм оешмалар һәрвакыт бер-берсе белән элемтәдә эшләделәр. Без бергә күп кенә мәсьәләләрне хәл иттек, шул исәптән тарих, тел һәм мәдәният, тикшеренү эшчәнлеге өлкәсендә дә. Яңа технологияләрне кертү өчен кооперация элемтәләре төзедек, - диде Рифкать Миңнеханов. - Башкортстан һәм Татарстан халыклары бердәм. Без һәрвакыт бу юл белән атлыйбыз.
Башкортстан Республикасы Башлыгының матбугат хезмәте материаллары һәм фотосурәтләре кулланылды