IV Республикакүләм «Шәҗәрәм» конкурсы
24.03.2023
Г.Ибраһимов исемендәге Тел, әдәбият һәм сәнгать институты текстология бүлеге өлкән фәнни хезмәткәре, филология фәннәре кандидаты Гөлнара Зәйниева 23 март көнне IV Республика күләм «Шәҗәрәм» конкурсында жюри әгъзасы буларак катнашты.
Конкурс Казан кооператив институтының Дәрдмәнд исемендәге Татар мәдәнияте үзәгендә Казан шәһәре Мәгариф идарәсе, Татарстан Республикасы Дәүләт Советының «Мәрхәмәт-Милосердие» хатын-кыз депутатлары оешмасы, Әлки районы «Якташлык» җәмгыяте белән берлектә уздырылды.
Конкурста катнашучылар үзләренең шәҗәрәләрен тәкъдим итте, архив чыганакларыннан файдалана белү осталыгын күрсәтте.
