«Фәнни десант» Стәрлебаш районында
26.02.2024
ТР ФА Г.Ибраһимов исем. Тел, әдәбият һәм сәнгать институтының Язма мирас үзәге өлкән фәнни хезмәткәре, филология фәннәре кандидаты Насыйбуллина Нуридә Шәйдулла кызы 22 февраль көнне Халыкара туган тел көненә багышланган «Фәнни десант» проекты кысаларында Башкортстан Республикасы Стәрлебаш районы Бузат урта гомуми белем бирү мәктәбе укучылары белән очрашты.
Чара кысаларында Нуридә Насыйбуллина якташ язучыларга багышланган түгәрәк өстәл эшендә катнашты, мәктәп укучылары белән иҗади мәйданчыкларда эшләде. Укучыларны, укытучыларны һәм кунакларны соңгы елларда Г.Ибраһимов исем.Тел. әдәбият һәм сәнгать институтында дөнъя күргән китаплар, Язма мирас үзәгенең электрон сайты белән таныштырды; мәктәп һәм авыл китапханәләренә ТӘҺСИ басмаларын бүләк итте.