Идел һәм Урал буе милли әдәбиятларына багышланган Гомумроссия фәнни-практик семинар
22.04.2024
2024 елның 24-25 апрелендә Казан шәһәрендә «Идел һәм Урал буе милли әдәбиятлары: тикшеренү парадигмалары һәм практикалар» дип исемләнгән, күренекле россия галиме, милли дөнья образларын өйрәнүгә караган күпсанлы фундаменталь хезмәтләр авторы Георгий Дмитриевич Гачевның тууына 95 ел тулуга багышланган Гомумроссия фәнни-практик семинары уза. Чараны оештыручы – Татарстан Республикасы Фәннәр академиясенең Г. Ибраһимов исемендәге Тел, әдәбият һәм сәнгать институты (ТӘһСИ). Партнерлар – П. Лумумба исемендәге Россия халыклар дуслыгы университетының Рус теле институты, Х.М. Бербеков исемендәге Кабардино-Балкария дәүләт университеты.
Семинар әлеге датага кагылышлы һәм милли әдәбиятларны өйрәнү мәсьәләләрен берләштергән бер төркем чараларны ачып җибәрә.
Семинарның төп эш юнәлешләре:
– Г.Д. Гачевның фәнни мирасы һәм милли әдәбиятларны өйрәнүдә заманча карашлар;
– Идел һәм Урал буе әдәбиятларының үсеш траекторияләре: үткән һәм хәзерге заман;
– Идел һәм Урал буе әдәбиятларының милли һәм региональ үзтәңгәллеге;
– Идел-Урал әдәби бердәмлеге: әдәбиятара процессларның формалары;
– Идел һәм Урал буе әдәбиятлары поэтикасы;
– Идел һәм Урал буе әдәбиятларында транскультура процесслары. Рус телле әдәбиятлар феномены;
– милли әдәбиятларны өйрәнү методологиясе: компаративистика офыклары;
– Россия әдәби киңлегендә Идел һәм Урал буе әдәбиятлары.
Семинар кысаларында түбәндәге түгәрәк өстәлләр оештырыла:
– Идел һәм Урал буе әдәбиятлары поэтикасы.
– Г.Д. Гачевның фәнни мирасы һәм милли әдәбиятларны өйрәнүдә заманча теоретик-методологик карашлар.
Фәнни-практик семинар эшендә Мәскәү, Татарстан, Башкортстан, Марий Эл, Мордовия, Удмуртия, Чувашия, Дагыстан, Кабардино-Балкария, Калмыкия, Коми, Кырым Республикасы, Екатеринбургтан галимнәр катнаша.
ТӘһСИнең Чагыштырма татар белеме лабораториясе семинарга «Идел һәм Урал буе әдәбиятлары поэтикасы» дигән күмәк монография әзерләде, анда Идел-Урал төбәгенең әйдәп баручы әдәбият белгечләре мәкаләләре тупланды.
Семинарның эшләү тәртибе:
2024 елның 24 апреле
09.00–10.00 – семинарда катнашучыларга регистрация (ТФА, 1 кат, холл)
09.30–10.00 – «Идел һәм Урал буе әдәбиятлары поэтикасы» дигән монографияне тәкъдим итү (презентация)
10.00–12.30 – пленар утырыш (ТФА, 1 кат, Кече зал)
12.30–13.30 – төшке ашка тәнәфес
13.30–16.30 – түгәрәк өстәл: «Г.Д. Гачевның фәнни мирасы һәм милли әдәбиятларны өйрәнүдә заманча теоретик-методологик карашлар» (ТФА, 1 кат, Кече зал)
2024 елның 25 апреле
09.30–12.30 – секция утырышы: «Идел һәм Урал буе әдәбиятларының үсеш траекторияләре: үткән һәм хәзерге заман» (ТФА, 2 кат, Конференц-зал)
09.30–12.30 – секция утырышы: «Идел һәм Урал буе әдәбиятларының милли һәм региональ үзтәңгәллеге» (ТФА, 1 кат, 119 каб.)
12.30–13.30 – төшке ашка тәнәфес
13.30–16.30 – түгәрәк өстәл: «Идел һәм Урал буе әдәбиятлары поэтикасы» (ТФА, 1 кат, 119 каб.)
Семинар Татарстан Республикасы Фәннәр академиясендә уздырыла.
Адрес: ТР, Казан шәһ., Бауман ур., 20 йорт.
Белешмәләр өчен телефон: 8 (843)590-55-93.