Бөек Ватан сугышы татар әдәбияты һәм публицистикасы көзгесендә
06.05.2024
2024 елның 8 маенда ТР ФА Г. Ибраһимов исем. Тел, әдәбият һәм сәнгать институтында «Татарлар – Бөек Ватан сугышында катнашучылар һәм ветераннар, һәм исламга кайту процесслары (ХХ гасырның икенче яртысы)» Бөтенроссия фәнни-гамәли конференциясе кысасында «Бөек Ватан сугышы татар әдәбияты һәм публицистикасы көзгесендә» дип аталган Түгәрәк өстәл утырышы уздырыла.
Чараның төп оештыручысы – Татарстан Республикасы Фәннәр академиясе Г. Ибраһимов исем. Тел, әдәбият һәм сәнгать институты.
Фикер алышуга түбәндәге сораулар чыгарыла:
– ХХ гасырның икенче яртысы татар әдәбиятында милли-дини кыйммәтләр чагылышы;
– фронтовик-язучылар иҗатында мөселман дөнья сурәте;
– татар әдәбиятында һәм публицистикасында Бөек Ватан сугышы темасы.
Әлеге чарада Татарстан Республикасы Фәннәр академиясе, Татарстан Республикасы Язучылар берлеге, фәнни һәм белем бирү оешмалары, вакытлы матбугат вәкилләре катнашуы көтелә.
Эш регламенты:
12.00-12.30 – катнашучыларны теркәү;
12.30-14.00 – түгәрәк өстәл утырышы;
14.00-14.30 – фикер алышу.
Үткәрү урыны: Татарстан Республикасы Фәннәр академиясенең Г. Ибраһимов исемендәге Тел, әдәбият һәм сәнгать институты (Казан ш., К. Маркс ур., 12).
Элемтә өчен: Закирҗанов Әлфәт Мәгъсүмҗан улы, +79061100730; e-mail: alfat_zak@mail.ru.