Шиһабетдин Мәрҗани исемендәге укулар
20.05.2024
Филология фәннәре кандидаты, ТР Фәннәр академиясенең Язма мирас үзәге мөдире Илһам Гомәров күренекле дин эшлеклесе һәм танылган татар мәгърифәтчесе Ризаэтдин Фәхретдиннең тууына 165 ел тулуга багышланган «Шиһабетдин Мәрҗани исемендәге укулар» IX Бөтенроссия фәнни-гамәли конференциясендә катнашты.
Татар дин әһелләренең XIV Бөтенроссия форумына багышланган быелгы конференция «Заманча шартларда Россия мөселман-татарларының теологик доктриналары, фәнни концепцияләре һәм оештыру формаларының актуальлеге» дип исемләнгән иде.
Чараның 18 майда узган пленар пленар утырышында чыгыш ясап, Илһам Гомәров татар язма мирасын өйрәнү буенча институтта алып барылучы тикшеренүләр турында сөйләде, Сөләймән Саксини һәм Шиһабетдин Мәрҗани мирасын өйрәнү мәсьәләләренә аерым тукталды.
Конференция кысаларында шулай ук ТР ФА Г. Ибраһимов исемендәге Тел, әдәбият һәм сәнгать институты фәнни хезмәтләреннән күргәзмә дә тәкъдим ителде.