Фонетика фәне яңалыклары
05.06.2024
Амур дәүләт университетының чит телләр кафедрасы каршындагы Эксперименталь-фонетик тикшеренүләр лабораториясе (Благовещенск) тарафыннан РФА Себер бүлекчәсе В.М. Наделяев исемендәге Филология институты (Новосибирск) белән берлектә оештырылган онлайн-семинарлар сериясендә актив катнашып, ТР ФА Г.Ибраһимов исемендәге Тел, әдәбият һәм сәнгать институты редакция- нәшрият бүлеге мөхәррире Алсу Бәдретдинова белем күтәрү турында таныклык алды.
9 февральдән 31 майга кадәр дәвам иткән әлеге семинарларда дөньяның төрле телләре (Африка, фин-угор, төрки һ.б.) мисалында фонетик фәннең артикулятор һәм акустика өлкәләрендәге инновацияләре каралды.
Онлайн-семинарларда филология фәннәре докторлары – Амур дәүләт университеты филология факультетының чит телләр кафедрасы мөдире Морозова Ольга Николаевна, Эксперименталь-фонетик тикшеренүләр лабораториясе өлкән фәнни хезмәткәре Андросова Светлана Викторовна һәм лабораториянең әйдәп баручы фәнни хезмәткәре Уртегешев Николай Сергеевич кебек танылган галимнәр чыгыш ясады.