Институтның сәнгать белгечләре «Уйлап чыгарылмаган патшалыкларны эзләү» күргәзмәсендә очрашуда катнаштылар
04.07.2024
3 июль көнне ТР ФА Г.Ибраһимов исемендәге Тел, әдәбият һәм сәнгать институтының Сәнгать белеме үзәге хезмәткәрләре һәм аспирантлары Казан Кремленең «Манеж» күргәзмә залында эшләүче «Уйлап чыгарылмаган патшалыкларны эзләү» күргәзмәсендә булдылар.
Сәнгать белеме үзәге тарафыннан танылган галим-археолог, тарих фәннәре докторы, ТР Фәннәр академиясенең әгъза-корреспонденты Фаяз Хуҗин белән очрашу оештырылды. Галим ТР Фәннәр академиясенең А.Халиков исменедәге Археология институты үткәргән археологик эзләнүләр турында сөйләде. Татарстанның археологик хәзинәләре булган уникаль экспонатлар, һәйкәлләр белән таныштырды.