Telegramда татар телле контент алга таба үстереләчәк
15.09.2024
ТР ФА Г. Ибраһимов исемендәге Тел, әдәбият һәм сәнгать институты Telegram мессенджерында татар телле контентны камилләштерүдә катнашачак.
Бу хакта «Татарстан-Яңа Гасыр» телеканалы журналистына ТӘҺСИ директоры, филология фәннәре кандидаты Илгиз Халиков хәбәр итте. Институт галимнәре сүзләренчә, җәмгыятьтә шулай ук TATZET платформасының мобиль кушымтасын булдыруга да ихтыяҗлык бар.
«Татарстан-Яңа гасыр» телеканалында трансляцияләнүче «Адымнар» проектының 14 сентябрь чыгарылышында дөнъя күргән ТР Фәннәр академиясенең татар телендәге электрон проектлары турындагы сюжет белән тулырак түбәндәге сылтама буенча танышырга мөмкин: https://tnv.ru/tv-projects-item/adymnar/.
