«Төмәнәк» тарихи-мәдәни үзәгендә очрашу
17.09.2024
2024 нче елның 11 сентябрендә Башкортстан Республикасының Туймазы шәһәрендә «Төмәнәк» тарихи-мәдәни үзәгендә Татарстан Республикасының күренекле язучылары Рабит Батулла, Ләбиб Лерон һәм Татарстан Республикасы Фәннәр академиясенең Г. Ибраһимов исемендәге Тел, әдәбият һәм сәнгать институтының милли мәгариф бүлегенең әйдәп баручы фәнни хезмәткәре Диләрия Абдуллина белән бик җылы очрашу узды.
Диләрия Абдуллина тиздән 85 еллык юбилеен билгеләп үтәчәк абруйлы институт эшчәнлеге, анда ана телен саклау һәм үстерү уңаеннан нинди эшләр алып барылуы турында сөйләде. Ул милли мәгариф бүлегендә әзерләнгән туган (татар) тел һәм әдәбиятыннан яңа буын дәреслекләр белән таныштырды, туган тел укытучылары һәм чарада катнашучыларның күпсанлы сорауларына җавап бирде.