Татарстан Республикасы Фәннәр академиясе

Татар әдәбияты классигы, талантлы прозаик һәм драматург, публицист, әдәбият тәнкыйтьчесе һәм җәмәгать эшлеклесе Фатих Әмирхан (Мөхәммәтфатих Мөхәммәтзариф улы Әмирханов, 1886–1926) «Әсәрләр»енең алты томлы академик басмасының 3 нче томы дөнья күрде. 

Томда әдипнең «Урталыкта» (1912) романы, «Яшьләр» (1910), «Тигезсезләр» (1915), «Фәтхулла хәзрәт» (1922) исемле драма әсәрләре һәм тәмамланмаган пьесаларыннан өзекләр урын алган.

Томны төзүчеләр, текстларны, искәрмә һәм аңлатмаларны әзерләүчеләр – филология фәннәре кандидаты, текстология бүлегенең өлкән фәнни хезмәткәре Әнисә Алиева һәм текстология бүлегенең фәнни хезмәткәре Гөлчирә Ханнанова.

Томның фәнни мөхәррире – филология фәннәре докторы, әдәбият белеме бүлеге мөдире Әлфәт Закирҗанов.